نفسك دايماً بتروح للحلويات , بتحاولى تعملى دايت لكن دايماً بتلخبطى الدنيا علشان مش قادرة تقاومى أكل الحلويات , هقولك على شوية نصائح ممكن تساعدك تتحكمى فى نفسك , و تقللى من أكل الحلويات
1- إبعديها عن عينيكى
الخطوة الأولى و الأسهل إنك تبعدى عن الحلويات , لا تشتريها ولا تعمليها فى البيت , اكيد الجوع هيخليكى تضعفى قدام قطعة الجاتوة أو البسبوسة اللى فى الثلاجة .
2- حاولى تاكلى بإنتظام
متفوتيش وجبات الجوع هيقلل نسبة السكر فى الدم و هيزود رغبتك فى أكل حاجة حلوة , حاولى متقعديش فترة طويلة بدون أكل , كلى 3 وجبات على الاقل , و إملى الوقت بينهم بسناكس صحية .
3- خدى حمام سخن
جربى تاخدى حمام ساخن من خمس لعشر دقائق هتخرجى منة عددك إحساس بالراحة و غالباً هيبقى عندك بس الرغبة فى النوم مش أكل الحلويات .
4- جربى الفاكهة
كلى حبة فاكهه كل لما تزيد رغبتك فى أكل حاجه حلوة , غالباً الفاكهة هتشبع رغبتك فى السكر و مش هتحتاجى تاكلى حاجة حلوة بعدها .
5- امضغى لبان
اللبان صحيح مش صحى أوى بس ممكن يساعدك تتحكمى فى رغبتك فى أكل الحلويات , لو مش قادرة تقاوميها خالص , جربى تاكلى لبانة , تديلك كمية سكر لا بأس بها , و أحسن بكتير من قطعة كيكة بالعسل .
6- إشربى مياة كتير
ممكن يكون جسمك بيطلب حلويات علشان جاف , إشربى مياة بإستمرار علشان تحافظى على جسمك رطب , و تديله كفايتة من المياة .
7- إهتمى بالبروتين فى الدايت بتاعك
البروتين هيساعدك تظبطى معدلات السكر فى الدم , و يقلل رغبتك فى أكل الحلويات , البروتين زى البيض و الفراخ و السمك و كمان المكسرات .
8- إختارى الكربوهيدرات المعقدة
زى الشوفان و الرز البنى و الحبوب الكاملة , دى بتقلل إمتصاص السكر فى الجسم و بتساعدك تحافظى على السكر فى جسمك لفترة أطول , حاولى تقللى الكاربوهيدرات البسيطه زى العيش الفينو و الكيك و البسكويت اللى هتخليكى محتاجة سكر أكتر كل ما تاكلى منها .
9- إستمدى قوة من اللى حواليكىخلى الناس اللى حواليكى يساندوكى و يشجعوكى , المساندة و التشجيع من الغير ليه مفعول السحر , خصوصاً من الناس اللى بنحبهم .
10- إختارى الجودة فوق الكمية
لو خلاص مفيش فايدة و لازم تاكلى حاجة حلوة , إختارى الجودة عن الكمية , يعنى لو هتموتى على شيكولاتة , بلاش جلاكسى حجم عائلى , خليها قطعة شيكولاتة غامقة , بلاش ربع التورتاية خدى حتة صغيرة .
This is dummy text. It is not meant to be read. Accordingly, it is difficult to figure out when to end it. But then, this is dummy text. It is not meant to be read. Period.
1 comments:
Click here for commentsوالله هيا الارادة الي بتحكم الواحد وانه ميضعفش قدام الاكل
ConversionConversion EmoticonEmoticon