بدأتى تعملى دايت و تنزلى وزنك , سعادة غامره لما تقفى على الميزان و تلاقى نفسك نزلتى كيلو ولا اثنين , بدأتى تحسبى هتوصلى لوزنك المثالى فى فترة قد إيه , لكن فجأة لقيتى المعدل بيقل ....
بدل ما كنتى بتنزلى كيلو كل اسبوع بقى كيلو كل أسبوعين و بعدين بقى كيلو كل شهر , و فجأة لقيتى وزنك ثبت مش عايز ينزل جرام حتى , مع إنك ماشية على الدايت مظبوط مش بتلخبطى , قد إيه الموضوع ده ممكن يكون محبط , لكن أبشرى , أنا هقولك على الحل السهل و البسيط اللى هيخليكى ترجعى تنزلى وزنك تانى .
بدل ما كنتى بتنزلى كيلو كل اسبوع بقى كيلو كل أسبوعين و بعدين بقى كيلو كل شهر , و فجأة لقيتى وزنك ثبت مش عايز ينزل جرام حتى , مع إنك ماشية على الدايت مظبوط مش بتلخبطى , قد إيه الموضوع ده ممكن يكون محبط , لكن أبشرى , أنا هقولك على الحل السهل و البسيط اللى هيخليكى ترجعى تنزلى وزنك تانى .
هفترض إن إنتى ماشيه على الدايت مظبوط مفيش لخبطة وإنك بقالك على الأقل ثلاثة أسابيع ثابتة على الميزان , لأنك لو بتلخبطى يبقى أكيد مش بتنزلى علشان بتاخدى سعرات زيادة , و لو وزنك فضل ثابت أسبوع واحد أو كام يوم فغالباً دى مياة متخزنه و بعد كام يوم هتلاقى نفسك نزلتى تانى
دلوقتى إحنا إتأكدنا اننا ماشين مظبوط على الدايت و بقالنا ثلاثة أسابيع وزننا ثابت , نعمل إيه ؟
أولاً لازم تعرفى إن مرحلة ثبات الوزن شائعه جداً و مفيش حد مشى على دايت إلا و عدى بمرحلة ثبات الوزن أكثر من مرة , فياريت بلاش تخافى أو تيأسى و تبطلى دايت , الحل البسيط و فى أسرع وقت هتلاقى نفسك بتنزلى على الميزان تانى
قبل ما أقولك على الحلول اللى هتعمليها هقولك إنتى ليه أصلا وصلتى لمرحلة إن وزنك ثابت مع إنك ماشية على نفس الدايت و بدون لخبطة ,
أولاً : كل ما وزنك يقل , هيقل أبطئ
ببساطة فى بداية الدايت الجسم بيخسر الوزن بسرعة , أولاً لأنه بيبدأ يفقد السوائل المخزنه و ثانياً لأن الجسم البشرى بيحرق أسرع كل ما زاد حجمة لأنه بيحتاج سعرات حرارية أكثر , علشان أوضحلك الموضوع ده , هقولك مثال تفتكى العربيه النقل الكبيرة بتحتاج بنزين أكتر ولا الموتوسيكل , طبعاً السيارة , الجسم البشرى نفسم النظام كل ما كان حجمه أكبر كل ما أحتاج يحرق وقود أكثر علشان يستمر , و لو إحنا موفرناش الوقود ده عن طريق الأكل , هيضطر يحرق دهون علشان يحولها لوقود , فلما وزنك بينزل الجسم شوية شوية بيبدأ يحتاج سعرات أقل , فنفس النظام اللى كان بينزلك كيلو فى الاسبوع ممكن تلاقيه بقى بينزلك نص كيلو بس .
ثانياً : معدل الحرق بيقل كل ما تقربى للوزن المثالى
مش بس جسمك هيبقى محتاج سعرات حرارية أقل لا , كمان هيبقى بخيل أوى فى حرق السعرات دى , و هيبدأ يخاف على الدهون اللى مخزنها و يستخدمها بحرص
طيب إيه الحل ؟ , أنا كده هيفضل وزنى ثابت علطول , لا أنا هقولك على شوية خطوات لو نفذتيها هترجعى تخسرى وزن و أسرع من الأول كمان
غيرى النظام اللى ماشية عليه
طبيعى جسمك محتاج سعرات حرارية أقل دلوقتى و النظام اللى ماشية عليه مبقاش ينفع , إحسبى السعرات اللى جسمك محتاجها دلوقتى , و أمشى على نظام جديد يديلك السعرات دى ممكن تدخلى على الموضوع ده علشان تقدرى تحسبى جسمك محتاج كام سعر حرارى " حاسبة السعرات الحرارية "
ركزى فى كل حاجة بتدخل جسمك
ساعات كتير بيبقى السبب الرئيسى لمرحلة ثبات الوزن إن إحنا بنظن إننا ماشيين مظبوط مع إننا بنلخبط , فى حاجات بنحسبها عادية مش هتأثر , لكل كل سعر حرارى بيتحسب , قطعه الحلويات الصغيرة اللى بتفتكريها عادى مش هتأثر ممكن تحتوى على 300 ولا 400 سعر حرارى لوحدها , فخلى بالك من الحاجات الصغيرة
زودى نشاطك الجسمانى
الرياضة مفيدة جداً و ضرورية لأى نمط حياة سواء ماشية على دايت أو لا , لو بتلعبى رياضة فى الدايت ووزنك ثابت جربى تزودى ربع ساعة رياضة يومياً , هتساعدك كتير تحرقى سعرات حرارية أكتر و ترفع معدل الحرق عندك , و لو مش بتلعبى رياضة أصلاً , لازم تبدأى دلوقتى , فايتك كتير أوى
أخيراً , كل حلم فى حياتك سهل أوى تحققية لو عندك إصرار و إرادة , حطى دايماً هدفك قدامك علشان تقدرى تستمرى حتى لما يكون وزنك ثابت و تقدرى تكسرى الحاجز ده و توصلى لهدفك
This is dummy text. It is not meant to be read. Accordingly, it is difficult to figure out when to end it. But then, this is dummy text. It is not meant to be read. Period.
ConversionConversion EmoticonEmoticon