إكيد سمعتى كتير إن وجبة الفطار أهم وجبة فى اليوم , ليه ؟ و إزاى أقدر أختار أفضل وجبة تساعدنى أنزل وزنى بسرعة , ده اللى هنتكلم عنه دلوقتى
واحد من كل 5 أفراد بيهملوا وجبة الفطار , و ده بيخليها أكبر وجبة بيتم أهمالها و تجاهلها , إهمال الفطار يرتبط غالباً بعادات غذائية سيئة و بيخليكى تاكلى أكثر على الغداء أو تلجئى لسناك غير صحى نتيجة للجوع اللى هتحسى بيه .
الدراسات أثبتت إن الناس اللى بيحافظوا على وجبة الفطار أول اليوم , غالباً بيقدروا يحافظوا على وزنهم أكثر من الناس اللى بتفوت وجبة الفطار , الفطار بيشغل معدل الحرق عندك بعد فترة من الركود أثناء النوم .
بس مش كل وجبات الفطار زى بعضها , يعنى واحدة كادبورى و بيبسى ميعتبرش فطار , طيب إزاى أختار الفطار بتاعى بحيث أستفاد أكبر إستفادة من أهم وجبة فى اليوم خصوصاً و انا بحاول انزل وزنى .
قبل ما تتناولى فطارك إسألى نفسك الأسئله دى
1- هل فطارى فى خضار أو فاكهة ؟ ( تفاح - موز - سلاطة خضراء .. الخ )
2- هل فطارى فيه بروتين كفاية ؟ ( لبن - بيض - حبوب )
3- هل فطارى فية فايبر ؟ ( شوفان - كاربوهيدرات معقدة )
4- هل فطارى فية كالسيوم ( لبن - جبنة - زبادى )
لو إجابتك عن كل الاسئلة السابقة " نعم " يبقى برافو إنتى أخترتى أفضل فطار ممكن , و هيديلك طاقة تطول معاكى لحد الغداء , بدء يومك بطريقة صحيحة هيخليكى تكملى يومك بنفس الطريقة .
This is dummy text. It is not meant to be read. Accordingly, it is difficult to figure out when to end it. But then, this is dummy text. It is not meant to be read. Period.
ConversionConversion EmoticonEmoticon